Почитувани,
компетитивните натпревари на јуниорската репрезентација на ББ Македонија завршија. Нашиот скор оваа сезона е 3 победи и 4 порази и претставува повторување на резултатот од Сезона 12. Нашите желби пред сезоната беа да направиме резултатски чекор понапред, меѓутоа ждрепката не смести во една од најсилните групи во натпреварувањето, а распоредот на средбите воопшто не беше идеален: прв натпревар со Шпанија, па Хрватска, Србија и четврти против Латвија. И покрај се' сметам дека добро се претставивме оваа сезона, а навистина малку недостигаше да ја победиме Латвија. Вашиот став за работата на селекторот можете да го кажете директно на страната на јуниорскиот тим
/country/49/jnt/overview.aspx каде ја оценувате неговата работа.
------
Во продолжение, ги започнуваме подготовките за следната сезона, па традиционално, ги отвараме
Годишните награди (сезона 14). И оваа сезона ќе ги наградиме менаџерите-тренери кои се имаат вложено во тренирање на млади македонски играчи, а наградата е избор на нивниот играч во јуниорската репрезентација на ББ Македонија до крајот на оваа сезона - со можност за настап на пријателски натпревар.
Има
3 категории: а) 18 годишни, б) 19 годишни и в) 20 годишни играчи, а ќе бидат избрани:
- Два 18 годишни играчи -> еден бековски и еден центарски
- Четири 19 годишни играчи -> два бековски и два центарски
- Десет 20 годишни играчи -> пет бековски и пет центарски
(останатите 2 места се резервирани за 21 годишни играчи со потенцијал за сениорски репрезентативци)
Наградени ќе бидат оние играчи кои:
1. имаат најдобри вештини меѓу врсниците
2. имаат најдобар напредок (најмногу зелени стрелки) оваа сезона
3. имаат потенцијал најмалку ѕвезда (5)
Па, време е за номинирање! Номинирајте ги вашите играчи за награда. Можете да номинирате играчи и кои не се во вашиот состав. Користете го следниот формат:
За најдобар X-годишен играч (каде X е возраста) предлог: Име и презиме, ID на играчот [player=XXX]. При номинацијата, НЕ ги пишувајте вештините на играчот - за тоа ќе ни одговорите преку ББ-порака.
Резултатите ќе бидат објавени на оваа тема, во текот на следната недела.
Па, да видиме кои се најдобрите тренери за оваа сезона!
Поздрав